Gedenktag/Video

Gedenkfeier 2023

D’ Gedenkfeier am Kader vum Welt-Gedenkdag un d’Stroossenaffer gouf den 18ten November um “Lieu du Souvenir” um CR132 tëschent Gonnereng an Eschweiler zu Jonglënster gefeiert.

Wa mir d’Zuele vum Transportministère vun 2022 kucke, waren et leider

36 Persounen déi hiert Liewe verluer hunn
267 Persounen si schwéier blesséiert ginn an
1144 Persounen hunn ee kierperlechen Schued erlidden.

Mir hunn un an all dës Leit an och un déi, déi net an dëse Statistiken erfaasst sinn, wärend der Gedenkminutt geduecht.

Am Groupe de Parole wor de Gedanken do, dass dës Persounen keen haten , den si begleet a beschützt huet op hirem Wee. Kee Schutzengel. D’Engelen hunn an deenen verschiddenen Zivilisatiounen eng grouss oder manner grouss Bedeitung. Dëst Joer huet de Groupe de Parole Braceleten mat engem Engel gebastelt an op der Gedenkfeier verschenkt.

No der Gedenkfeier huet d’Gemeng Jonglënster op ee Patt invitéiert.

RTL DE JOURNAL, Reportage vum Lynn Cruchten